حبيت اليوم نشكر الإطار الطبي والشبه طبي وبالخصوص الاطباء اللي أثبتوا حضورهم الواسع وتضحياتهم الجبارة وجهودهم المكثفة في المرافق العمومية وحتى الاطباء اللي يقدموا في القطاع الخاص نراوا فيهم يتطوعوا ويقدموا ما عندهم في سبيل تجاوز هالمحنة. والله بالرغم اللي بش نقولوا غريب شوي أما الفيروس هذا كشف عن حقيقة التونسي العامل من أطباء وجيش وطني وخياطين ومتطوعين في الجمعيات اللي كلهم ساهموا بش فعلا نغلبوا المرض واثبتوا أن التونسي للتونسي رحمة قبل بكل صراحة كانت عندي فكرة اللي الاطباء هم مجرد ناس طامعة في الفلوس واغنى الناس لكن تو بعد مااطلعت على هذا المجال اكتشفت اللي هو خدمة كبيرة وجبارة من الباك للتخرج وحتى في الجامعة ومش بالساهل انو الواحد يولي طبيب وحتى كان يولي طبيب تستنى فيه برشا جهد نحب نقول حاجة لكل طبيب تونسي راك فخر للتوانسة الكل وراك ملاك رحمة اخدم وتوكل على الله وبارك الله فيك على الخدمة اللي تعطي فيها .عندنا كفاءات عالية وانا أجزم بذلك وعنا ناس بلحق عندها طاقات ومواهب ممتازة فعلا يتجاوزوا الكفاءات الغربية والاجنبية اللي هما بيدهم يستعينوا بكفاءاتنا. ربي معاكم وماتلسلموش وماتستسلموش كلنا متضامنين معاكم واللي تعملوا فيه راهو جهاد كبير وبإذن الله مننساوكمش في دعاوي الخير رؤيتكم تخدموا هي بحد ذاته قوة كبيرة وما نكذب عليكم زادت رغبتي بش نولي طبيبة